(NLTimes) – Prizoneronan hoben a ataca otro mas cu 1.5 biaha mas frecuente den 2020 compara cu 2018. Otro formanan di agresion y violencia tambe hopi mas comun den prizon hubenil Hulandes durante e periodo aki, segun figuranan obteni pa Argos.
E figuranan aki ta concerni ambos incidente den cual prizoneronan hoben nan mes a bira victima y casonan di violencia contra empleadonan. Empleadonan y inspectoradonan tin tempo ta adverti tocante e circunstancianan aki pa hopi tempo caba.
Programa di radio NPO Argos a obtene figuranan pa medio di Government Information (Public Acces) Act (WOB) tocante varios caso di agresion y violencia den e 3 National Juvenile Institutions (RJJI) y e dos institucion priva na Hulanda. Casi tur di nan a demostra un aumento significante. Violencia entre detenidonan a aumenta mas durante e periodo di dos aña, e programa a calcula di 270 pa 460 biaha.
Violencia contra empleadonan tambe a aumenta, aunke figuranan tocante esaki no ta completo. Den 2020, 144 di e notificacionnan aki a keda reporta, sinembargo algun informacion te ainda no a ser ricibi. E aña anterior, tabatin 53 incidente, compara cu 133 incidente den ana 2018, segun e figuranan. Tur institucion ta inclui den e figuranan di e añanan en cuestion. Abuso psicologico y verbal contra empleadonan di RJJI so a aumenta cu 42 porciento entre aña 2018 y 2020 na 370 incidente.
Na comienso di e luna aki, e 4 inspectoradonan cu ta lidia cu e centronan di detencion hubenil aki a adverti cu condicionnan di trabao no a mehora. Tin un escasez di empleado cual ta crea un escasez di luga pa e hobennan. Placa y medidanan anuncia den october di aña 2021 te ainda no a cambia, segun e inspectorado. Te ainda tin mas empleado ta bay cu esunnan cu ta drenta. Empleadonan cu ta permanece tin miedo cu experiencia lo disparce como resultado di esaki.
