Segun resumen semanal di Departamento di Salubridad Publico, DVG riba desaroyonan di pandemia di Covid na Aruba, den ultimo siman te cu ayera diabierna, a registra 138 caso nobo di Covid-19.
DVG a informa ademas cu 141 persona a recupera di e malesa.
E cantidad di caso activo di Covid-19 pa ayera tabata 84. E cantidad di fayecidonan relaciona cu Covid-19 ta 212.
Datonan di DVG ta ilustra casonan nobo di Covid cu un averahe semanal di 20 caso pa dia, y un averahe di tasa di positividad (‘positivity rate’) di 33 porciento pa dia.
Actualmente, na Aruba tin dos persona interna den hospital, cu of debi na Covid. Di esakinan, no tin ningun persona den Unidad di Cuido Intensivo (ICU) y tur dos persona ta riba piso general. Na Colombia actualmente tin dos pashent di Aruba hospitalisa den ICU, y un mas riba piso general.
