(AP) – Rapper Tory Lanez a keda encarcela pa un momento breve diamars despues cu un hues a bisa cu el a viola un orden di proteccion den un caso di asalto den cual e ta acusa di tira e rapper Megan Thee Stallion den su pia.
Lanez, di 29 aña di edad cu nomber legal Daystar Peterson, a ser deteni den corte na Los Angeles y a ser hiba prizon. El a paga su fiansa y a sali varios ora despues. Den e audiencia, Hues di Corte Supremo David Herriford a haya cu Peterson a viola e orden cu e no mag di contacta di acosa Megan y cu e no mag di revela evidencia na otro partidonan externo.
Mientra cu Peterson no a contacta Megnan directamente, Herriford a bisa den un serie di publicacion riba Twitter aparentemente ta mensahenan dirigi na Megan, y el a ordena Peterson no menciona su persona den cualkier red social. Peterson su abogado, Shawn Holley a bisa cu e no a duna informacion na un usuario di Twitter cu a publica den februari cu Peterson su DNA no a ser haya riba e arma den e caso.
Den su argumento, Holley a bisa cu e publicacion, awo removi, no ta completamente corecto. El a bisa cu e ta un investigacion cu ta demostra cu tabatin 4 DNA riba e arma, haciendo cu esaki a duna resultado cu no ta concluso tocante Peterson su DNA. El a bisa cu DNA di Peterson no a ser haya riba parti di e arma.
