(NLTimes) – Dutch Food and Consumer Prudct Safety Authority (NVWA) a prohibi e benta di Epidemdyumlu Macun, cual ta un pasta herbal cu honey pa stimula ereccion.
E pasta aki ta contene Sildenafil, un substancia den medicina pa problema cu ereccion cu solamente por ser receta pa dokternan pa motibo cu e por tin efectonan secundario serio.
NVWA a investiga Epidemyumlu Macun despues cu nan a mira e advertencia di Alemania. Investigadonan a tuma muestra di e pasta di 5 diferente compania y a analisa esaki. Nan a haya cu solamente dos cuchara di e producto aki ta contene e mesun cantidad di sildenafil cu ta mira den e medicamento pa problema di ereccion. “Hende por consumi mas di esaki den e pasta herbal, cual ta aumenta e dosis di sildenafil cu nan ta consumi, y esaki ta aumenta tambe e riesgo di e efectonan secundario,” NVWA a bisa. E efectonan secundario por inclui problema di curason diarrhea y problema cu vision.
NVWA a ordena negoshinan inmediatamente para cu e benta di e producto aki y destrui loke nan tin den stock. Bol.com y Marktplaats ya caba a kita e personanan cu ta provee e producto for di nan plataforma.
