(NLTimes) – Despues Kabel a cay den man di Taliban den augustus, e Ministerio di Asuntonan Stranhero a usa studiantenan pa yuda evacua interpretenan di Afghanistan, Zembla a reporta despues di a papia cu algun di e studiantenan.
“Mi a pensa cu mi lo traha sandwich, pero nos mester a contacta interprete y guianan na e aeropuerto,” un studiante a conta di e programa. Despues cu Taliban a haya e poder na Afghanistan, miles di persona a sali for di e pais, incluyendo interpretenan di Afghanistan cu a traha cu e ehercito Hulandes y nan miembronan di famia. Un siman despues di e crisis, Asuntonan Stranhero a yama e studiantenan pa apoya e ekipo di maneho di crisis. Esakinan tabata studiante cu ademas di nan estudio, ta participa den Defense College, un programa di trabao pa studiante cu ta consisti di un trabao part time pa un of dos dia pa siman.
E studiantenan su trabao ta consisti di mas cu sosten. Desde e prome dia, nan mester a contacta interprete di Aghanistan na Kabul y guianan di manera sigur na aeropuerto segun Zembla. “Nos a cuminsa yama nan cu pregunta manera ‘unda bo ta actualmente?’ ‘Cuanto hende tin cubo? Bo tin bo paspoort? Y despues nos tabata sigui nan te aeropuerto via Whatsapp,” un studiante a bisa e programa. Nan no tabatin sosten di e Ministerio. “Nos tabata e crisis team,” otro a bisa.
Ex diplomatico Pieter Feith ta hopi critico di e Ministerio pa motibo cu nan a usa studiante den un crisis. “Un crisis mester ser maneha pa profesionalnan. Bo ta pone responsabilidad cu por costa e bida di un humano,” el a bisa Zembla.
E Ministerio no a contesta Zembla su preguntanan tocante e asunto. Un vocero a bisa cu “un evaluacion ta actualmente ta tumando luga.”
