Den un comunicado di Wardacosta di Caribe Hulandes cu a ser publica ayera atardi, nan a informa cu Wardacosta Caribe Hulandes a cera contract nobo pa helicopter y pa e avionnan Dash-8 di patruya.
Esaki ta en conexion cu e contractnan cu ta bay vence y nan a traha ultimo añanan riba ekipo nobo pa accionnan di reconocemento aereo di buskeda y rescate. Igualmente nan a señala cu durante e prome kwartaal di 2022 e contractnan a wordo firma.
Cu e compania Canades PAL Aerospace Ltd i esun Hulandes Jet Support B.V. e contract pa e avionnan di patruyahe Dash-8 ta keda extende, asina mes e dos helicopternan nobo pa buskeda y rescate (SAR) lo keda entrega pa e compania Britanico Bristow Helicopters Limited. Cu ambos contract Wardacosta ta sigura su mes durante e dies añanan cu ta bini di aeronavenan cu sensornan y medionan di comunicacion di halto calidad.
E helicopternan nobo lo wordo entrega, segun nan ta spera den curso di aña 2023, manera nan a declara, e avionnan ta den uso caba, pero prome cu cuminsa cu e contractnan nobo e ekipo lo pasa den un modernisacion extenso. E ekipo nobo ta hopi adecua pa tareanan di investigacion, supervision y rescate riba lama. Wardacosta Caribe Hulandes a sigura cu nan ta contento cu e contractnan nobo y nan a duna un danki na Defensa su departamento di Materieel en Organisatie (DMO) cu a zorg pa e proceso y cu ta nifica un bon noticia pa islanan di Caribe Hulandes.
