(ElNacional) – Senadornan Maco Rubio y Robert Menendez a solicita na e secretario di Departamento di Seguridad Nacional (DHS), Alejandro Mayorkas, pa e considera un extension di e status di proteccion temporal (Temporary Protected Status, TPS) pa e Venezolanonan cu ta bibando na Merca.
“Mirando e campaña den curso di e regimen di Maduro di violencia di parti di Esatdo contra e pueblo di Venezuela y e crisis humanitario presente na e pais, nos ta solicita pa bolbe designa na Venezuela e TPS pa 18 luna adicional”, un parti di un carta cu a ser manda pa Mayorkas ta bisa.
Den e texto nan ta splica cu e condicionnan cu Venezuela ta aden aworaki no ta permiti e migrantenan cu ta biba na Merca regresa e pais, Voz de America a señala.
Rubio y Menedez ta insisti cu si kita e status esaki lo por resulta den un sentencia di morto pa e Venezolanonan cu a huy for di Venezuela pa Merca.
Ademas nan a recorda cu e gobierno di Nicolas Maduro, cual nan a cualifica manera regimen, ta wordo caracterisa pa su violencia contra e pueblo. Pa esey nan a detaya e rapportnan realisa tocante e violacionnan contra derechonan humano cu e oficina di Organisacion di Nacionnan Uni a traha.
“E Mision Internacional di Investigacion a documenta cu e regimen di Nicolas Maduro a realisa asesinatonan extrahudicial, desaparicion- y torturanan contra opositornan politico, ademas di criminalisacion, menasa y deshonra contra activistanan, medionan independiente y sindicalistanan”, nan a indica.
