Parlamentonan di Corsou, Aruba y Sint Maarten ta bisa cu nan tin mester di mas tempo pa nan respuesta na e ley di Reino pa establecimento di e Organo Caribense pa Reforma y Desaroyo, COHO, segun un relato den corant Curasoleño, CuraçaoChronicle. Nan a pidi formalmente pa pospone.
E parlamentonan di tur cuatro pais tin derecho pa entrega un asina-yama reporte por escrito, a traves di cual nan por haci pregunta tocante e ley na e Secretario di Estado Hulandes pa Relacionnan di Reino, Alexandra van Huffelen. E tambe ta bay contesta por escrito prome cu ta trata e ley den Tweede Kamer di Parlamento Hulandes.
Ta un secreto habri cu den e parlamentonan di Aruba, Corsou y Sint Maarten tin obhecionnan fundamental na e rijkswet COHO, parcialmente pasobra e lo afecta autonomia. Awe diaranson ta bay discuti un retraso den un reunion di procedura di Comite Parlamentario pa Relacionnan di Reino.
Tabata e intencion cu e paisnan lo entrega nan reportenan por escrito prome cu fin di e luna aki. Esaki tambe ta aplica pa e rijkswet pa supervision financiero (RAft) na Aruba. Parlamento di Aruba tambe a solicita pa pospone esaki.
