(AP) – Vloer a tembla e momento cu e bos di celebridad Mexicano Alejandro Fernandez a choca cu e gritonan di tur e fanaticonan cu a atende e prome concierto na Venezuela den mas di un decada.
Despues di un shock inicial despues cu nan a mira e artista riba escenario, e audiencia cu telefon den man a canta “Sin Tantita Pena” conhuntamente cu e artista. “E ta algo bunita pa ta na Venezuela,” el a expresa na e audiencia cu gritonan y fluitnan den e audiencia cu a bende tur ticket, algun di nan persona cu a saca prestamo pa mira su persona den concierto luna pasa na un teatro cu tabatin capacidad di 5,000 na Caracas. “Mi bunita Venezuela, cu semper mi ta carga den mi curason.”
Artistanan famoso ta bolbiendo back escenario den paisnan na Sur America e aña aki despues di a para tur tour pa añanan largo. Grupo multilingual Il Divo y ganado di Latin Grammy Kany Garcia ta entre e personanan cu concierto den plan. Cu prijs di ticket entre 55 dollar te cu mas di 600 dollar, e eventonan aki ta un simbolo di con grandi e falta di igualdad ta den e nacion.
Celebridadnan manera Backstreet Boys a atrae fanatico pafo di e stadion na Caracas pa dianan largo mientras nan tabata warda pa cumpra ticket. Guns N’ Roses y Shakira di igual manera. Juanes tambe, ken su tour den aña 2008 a inclui varios ciudad na Venezuela. Sinembargo, conciertonan grandi a bira menos comun desde mas o menos 2010. Nan a practicamente stop completamente despues di algun aña ora cu e pais a drenta un crisis social, economico y politico cu a elimina varios trabao.
Cambio aki ta bin parcialmente danki na e gobierno su decision di para e esfuersonan di restringi transaccion den dollar Mericano y den fabor di e bolivar local. Esaki ta nifica cu personanan cu ta promove eventonan aki ta sinti cu persona tin placa pa gasta den musica, cu e cambio den reglanan treciendo back e posibilidad di financia e eventonan aki.
