(AP) – CEO di Tesla Elon Musk a adkiri 9% di bienes na Twitter, haciendo cu su persona ta e shareholder mas grandi mientras cu el a uni na otro criticonan den cuestiona e plataforma su dedicacion na e libertad di expresion.
Musk su gol den adkiri e bienes cu tin balor di 3 biyon dollar te ainda no ta cla. Sinembargo den fin di maart Musk, ken tin 80 miyon siguido riba Tiwtter y ta activo riba e red social aki, a cuestiona e libertad di expresion riba Twitter y si e plataforma no ta balorando democracia.
Den e ananan recien, Twitter y otro plataforma social a ricibi varios critica pa e hecho di permiti mensahenan danino di varios diferente tipo, di incita violencia te cu abuso racial y acoso coordina. Recientemente, e plataformanan aki a haci un esfuero pa combati e comportamento aki, hayando critica similar na esun di Musk pero di politica derechista. Ambos Twitter y Facebook a enfrenta critica despues di a suspende e cuenta di ex president Donald Trump despues di e incidente na Capitol.
Te ainda no ta cla ki dia ni ki tempo Musk a haci e compra aki. Un peticion di U.S Securityies and Exchange Commission cual a ser haci publico riba dialuna ta bisa cu e evento cu a causa e peticion a tuma luga dia 14 di maart. Musk tambe a aumenta e posiblidad cu su siguidonan riba Twitter, cu e lo por crea un red social rival di Twitter.
