(NLTimes) – Mundialmente, centenares di politico, administratornan y hasta prome ministernan, ministernan y Comisarionan Europeo a haci un peticion conhunto na e Nobel Committee na Noruega pa nomina e ciudadanonan di Ucrania y e president Volodomyr Zelenskyy pa e Nobel Peace Prize. Nan a pidi e comite pa bolbe habri e procedura di nominacion, cual a cera dia 31 di januari.
Den e carta, ex Prome Ministernan Hulandes Ank Bijleveld, Ben Bot, Bert Koenders y Joris Voorhoeve conhuntamente cu ex president di e comision Europeo Jean-Claude Juncker y ex Prome Minister di Belgica Elio Di Rupo a skirbi cu habri e procedura back lo ta hustifica “pa causa di e situacion actual cu niun hende a premira” den e pais. Rusia a invadi Ucrania dia 24 di februari, cual ta basta tempo despues cu e periodo a cera.
“E ta nos responsabilidad democratico pa lucha contra persona autoritario y sostene personanan cu ta luchando pa democracia y nan derecho di goberna nan mes. Nos ta e personanan cu mester proteha esaki y nos no por stop di cumpli cu e responsabilidad,” nan a bisa.
E persona cu a inicia e peticion, Oliver Van Loo a yama esaki esencial pa mundo por laga e personanan di Ucrania sa cu nan y nan lucha pa democracia ta mira mundialmente. “Si e Nobel Prize por tin un balor special pa pas den mundo, e tempo ta awo.”
