Recientemente, Larissa Nivillac, kende a lanta na Aruba y Corsou, a keda eligi den conseho municipal di Zoetermeer pa e partido Zoetermeer Vooruit.
El a nace na Corsou na 1965, segun su perfil di su partido, Zoetermeer Vooruit. Su famia ta di Aruba y Corsou, y el a lanta riba e dos isla. “Desde 2009 mi ta na Hulanda y desde 2011, hunto cu partner ta biba na Zoetermeer, na Meerzicht”, el a relata.
Entre 2009 y 2019 e tabata traha den hoteleria na varios sitio den e region. Yuda hende ta algo cu e ta gusta.
El a bisa cu e lo kier mira mas oportunidad pa personanan cu discapacidad fisico of mental. “Mi no kier critica e situacion actual, pero den mi opinion tin mas cu ta posible y mi lo kier aporta mi granito pa realisa mehoracionnan berdadero. “Pasobra mi ta kere cu por hacie di otro manera”.
