(ElNacional) – Dirigente opositor Maria Corina Machado y senador republicano Mericano, Ted Cruz, a tene un encuentro virtual diahuebs cu a pasa pa comparti informacion tocante e situacion politico na Venezuela.
Durante e reunion, e politiconan a coincidi cu gobierno di Nicolas Maduro ta representa un menasa pa siguridad di Sur America.
“Nos ta comparti un comprension di e naturalesa criminal di e regimen Venezolano y nos ta compronde e menasa cu nan ta representa pa siguridad di nos hemisferio”, e coordinador nacional di Vente Venezuela a skirbi riba su cuenta di Twitter.
Mientras cu e republicano Mericano a insisti cu Merca mester sigui apoya e pueblo Venezolano “den su lucha pa restaura democracia y Estado di derecho”.
Tanto Cruz como Machado a conclui den e necesidad di sigui traha hunto pa aborda e situacion critico na e pais, e senador a resalta riba e mesun red social.
“Danki senador Ted Cruz pa apoya e pueblo Venezolano den nos lucha pa libertad y siguridad”, e opositor Venezolano a sigui bisa.
Na cuminsamento di maart, Machado a fiha su posicion tocante e reunion di halto funcionarionan di Merca cu e gobierno di Nicolas Maduro, den momentonan den cual Merca tabata busca aisla Rusia di su aliadonan pa motibo di e conflicto cu Ucrania.
“Awe Venezuela ta un menasa pa siguridad nacional di Merca y hemisferio. Na e pais tin presencia militar di Rusia, China y Iran. A instala un plataforma di propaganda contra Merca y e region, y a desaroya economia criminal transnacional”, el a skirbi riba Twitter.
