(NLTimes) – Investigadornan di crimen cibernetico parti di cuerpo policial Hulandes ma Oost-Nederland a confisca cirptomoneda y NFT como parti di su investigacion den e brote di e data priva aki. Esaki ta marca e prome biaha cu cuerpo policial ta confisca NFT.
E caso aki, anuncia anteriormente e luna aki, a causa e aresto di hoben di 23 aña di Weesp y un hoben di 19 aña di Hilversum, ambos ken a ser aresta na nan cas mas o menos dos siman pasa.
NTF ta unico y no por ser replica, causando cu hopi biaha nan ta usa como bienes digital cu ta representa derechonan di dono riba bienes den bida real. Nan por ser conecta na propiedad fisico, sinembargo hopi biaha nan ta usa pa propiedad intelectual, manera arte digital, articulonan den weganan di video, imagennan di peliculanan of pidanan di musica.
“Un Non-fungible Token (NFT) ta un record unico, digital y individual riba un ‘blockchain. NFT ta particularmente popular como arte digital,” esun mas famoso ta di pushi, macaco of un persona bisti den e estilo ‘punk’. E imagennan aki ta unico, y den cierto caso tin e balor di miyones di euro,” cuerpo policial a conta.
“Pa motibo cu NFT ta representa balor, nan por ser usa como pago pa ofensanan criminal, di mesun manera cu ta pasa cu autonan caro of sumanan grandi di placa como un ehempel,” nan a splica.
