(DiarioLibre) – Centenares di persona cu a yega diamars ultimo y cu a drenta den aeropuerto di e ciudad Haitiano Les Cayes a causa destruccion na instalacionnan di e terminal y por lo menos un avion cu tabata na e luga.
Decenas di manifestantenan a subi riba aeronave y riba e halanan di e avion, nan a wordo saca for di e pista di aterisahe, dilanti e inactividad di polisnan cu tabata na e aeropuerto y nan a causa destruccion den su interior.
E sucesonan na e aeropuerto di Les Cayes a tuma luga durante un dia nacional di mobilisacion, convoca pa organisacionnan civil pa protesta contra insiguridad y e ola di secuestronan cu e pais ta sufriendo.
Na Les Cayes, activistanan tabata protesta tambe pa un reciente aumento di prijs na aeropuertonan cu a aumenta considerablemente e prijs di vuelonan interno.
Avion a bira practicamente e unico medio di transport sigur entre ciudad Las Cayes y Puerto Principe. Casi niun hende tin e curashi di biaha den auto pa motibo cu tin gangnan arma cu ta controla for di casi un aña caba e bario di Martissant, na entrada zuid di e capital.
Na Puerto Principe miles di persona a concentra diamars ultimo den un gran manifestacion pa protesta contra e insiguridad, cu a bira pio despues di e asesinato di presidente Jovenel Moise na juli di 2021.
Haiti ta pasando den un crisis grave institucional, di siguridad y economico for di 2018, pero e situacion a deteriora specialmente despues di e homicidio.
