E enfermedad Alopecia cu Jada Smith ta sufri ta motibo cu e tin su cabes fill raspa

E polemica a cuminsa despues cu Will Smith a reacciona riba un joke cu Chris Rock a haci durante di e premionan Oscar na momento cu e tabata presenta su presentacion. Will Smith a subi e esenario y a dal e humorista un bofta door di e joke cu e la haci riba e cabes raspa di Jada Pinkett-Smith.

E tabata un momento di bochorno den e 94 premio Oscar. Sinembargo mas laat Will Smith a keda reconoci tambe e anochi aki como e miho actor pa su papelnan den e pelicula di ‘’ El Metodo Williams”

E joke cu e comediante Chris Rock y a haci hopi di esnan cu tabata presente a considere como un mal gusto.

Esaki ta loke e comediante a bisa : “Jada, te quiero. GI Jane 2, no puedo esperar a verte en ella”, comentó el cómico, di e manera aki e la haci referencia na e pelicula protagonisa pa Demi Moore na momento cu e ta aperece cu su cabes full pelon.

Sinembargo e comentario aki a cay hopi malo pa e pareha Smith, specialmente na Will Smith ya cu su casa ta sufri di un trastorno autoinmune cu ta haci cu su cabei ta cay, y ta pa e motibo aki mes Jada ta raspa su cabes completamente for di algun luna caba.

A dura hopi pa Jada reconoce habiertamente cu e ta sufri di Alopecia. Den solamente algun luna atras Jada a durf di mustra un video unda cu tin partinan na su cabes cu e cabei no ta crece.

Jada a duna di conoce cu e y su enfermedad di Alopecia ta bay bira amigonan grandi. Jada a duna di conoce cu lo e bay atende cu su malesa y e no tin ningun problema di ta habri cu su malesa y sali cu su cabes completamente raspa riba rednan social y riba e conocido tapijt cora. Como famia nan a pasa e etapa aki. Esaki ta muestra di corahe unda cu e ta sali afo publicamente y ta duna di conoce riba su malesa. Sinembargo eyfo tin miles di hende muhe ta sufri di alopecia.

E ta un proseso cu e hende muhe cu haya alopecia mester pasa door di dje pa ta fuerte y acepta e malesa y pone su amor propio y sigui padilanti cu su bida. No ta facil pa haci esaki, pero cu e amor di su famia e la logra y lo sigui bay padilanti y lo apoya tur hende muhe cu di un of otro manera no a durf di sali afo y mustra e corage cu nan lo acepta e melesa aki.