(LaPatilla) – E organisacion medico humanitario aki ta apoyando e Hospital Jesus Yerena di Lidice na Caracas desde mei 2021, den e atencion di pashentnan di COVID-19. E apoyo ta wordo realisa cu e obhetivo di reforsa e atencion medico di calidad, fortalece e protocolnan y implementa e circuitonan adecua, rehabilita e infrastructura y aumenta e capacidad di atencion.
Un bes e obhetivonan principal wordo alcansa, cu e disminucion di casonan di COVID-19 y mirando e avance di vacunacion na Venezuela, Medicos Sin Frontreras (MSF) hunto cu e autoridadnan di e hospital, a dicidi inicia un plan di reduccion di actividadnan pa finalisa cu e traspaso na final di luna di maart.
Conhuntamente cu autoridadnan di salud, gran mehoracion structural a wordo realisa relaciona cu awa y limpiesa, control y prevencion di infeccionnan, sistemanan electrico y reparacionnan di unidadnan biomedico.
Tambe tabata posibel reforsa hunto cu e ekiponan sanitario e protocolnan medico necesario pa brinda un atencion di calidad na e pashentnan, na mesun momento mas camanan a wordo habilita y a crea circuitonan di triage specialmente diseña pa atencion di personanan cu sintomanan relaciona cu COVID-19.
E ekiponan di MSF a brinda capacitacion constante na e personal di hospital y duna espacio pa e maneho di salud mental di e personal sanitario, e pashentnan y nan familiarnan.
Desde mei 2021 te cu e fecha di awe, e organisacion a habilita 35 cama pa e atencion di pashentnan cu COVID-19, nan a apoya 11.257 consulta na personanan cu sintomanan asocia na e enfermedad, a realisa 1.968 consulta di salud mental y a atende 505 pashent den e area di hospitalisacion. Ademas, 17.847 persona a wordo educa a traves di e promocion di salud y 883 persona di ekiponan medico y no medico a ricibi capacitacion profesional.
