(NLTimes) – Amsterdam tabatin e nivel mas halto di MDMA haya den awa di pos compara cu 75 ciudad Europeo, cu Utrecht, Eindhoven den e siguiente luganan segun un analisis conduci pa European Monitoring Centre for Drugs and Addiccion a constata.
Hulanda tambe tabata e paisnan den posicion mas halto pa uso di cannabis, cocaina y amphetamina. Awa den 75 ciudad y bario Europeo a keda examina pa calcula e cantidad di droganan recreacional hende ta consumi den cada localidad. Pa motibo cu hendenan ta elimina e rasgo di practicamente tur loke nan ta consumi den nan urina, pa medio di analisa awa di pos, por determina e uso di e droganan ilegal den un poblacion, segun e reportahe.
En general, e estudio a mira cu e uso di cocaina a mas halto den ciudadnan den zuid y west di Europa. Amphetamina tabata mas halto den ciudadnan di noord y oost Europa. Amsterdam tabata lider den e lista ora cu a trata di uso di MDMA. Durante weekend, uso di MDMA tabata mas halto na Amsterdam compara cu den siman, aunke cu bida nocturno tabata cera pa gran mayoria di e aña 2021.
E ciudad tabata tras di Barcelona den cantidad di cannabis cu a ser haya den awa di pos. Mientras cu na Barcelona uso di cannabis a aumenta durante e weekend, e uso a permanece bastante consistente na Amsterdam durante siman.
Amsterdam a keda na di dos luga den uso di cocaina durante siman y fin di siman, tras di Antwerp, Bristol y St. Gallen Hoffen. Otro proyecto reciente unda cu a analisa awa di pos di Europa, EUSEME, di un manera similar a mira cu Amsterdam tin un di e cantidad mas halto di uso di cocaina den e awa.
