(LaPatilla) – Raquel Figueroa, representante di e Federacion di e Colegio Nacional di Maestronan a denuncia cu e mas reciente aumento di salario minimo anuncia y oficialisa pa Nicolas Maduro ta “horta” e sector educativo di tur nan derechonan di contract.
Di acuerdo cu e informacion señala pa Radio Fe y Alegria, Figueroa a revela cu esaki ta e segundo biaha cu e Oficina Nacional di Presupuesto (ONAPRE) y e administracion nacional ta viola e derechonan di contract di e sector educativo.
El a recorda cu durante e aumento salarial ehecuta durante aña 2016, e regimen a laga un deuda di 280% ariba e acuerdonan firma durante e segundo convencion colectivo.
Pero e aumento nobo ta significa mal noticia pa e gremio di docentenan, ya cu ONAPRE a bolbe reduci e beneficionan acorda entre e instancianan sindical y e Ministerio di Educacion durante e segundo convencion colectivo.
Den e sentido aki, pa e sector educativo, no ta existi un aumento di salario, al contrario, cada biaha cu ehecuta un ahuste den e administracion publico e gremio di docentenan ta indica cu nan ta perde espacionan, cu den teoria tabata bay mehora e condicionnan di bida, Raquel Figueroa ta splica.
E sindicalista a cuestiona cu aworaki ONAPRE ta e institucion cu ta asumi e gestion di e salarionan di e sector educativo ignorando asina e responsabilidad di e Ministerio di Educacion, manera entidad cu mester sinta cu e trahadonan educativo.
El a adverti ademas cu e prome reduccion di e prima door di profesionalisacion ta acelera e exodo di e profesionalnan den educacion pa otro paisnan y actividadnan pasobra nan ta wak cu nan conocimentonan academico no ta wordo balora.
