(NLTimes) – Personanan bibando den barionan di menos recurso tin casi dos biaha mas opcion di cuminsa cu no ta saludabel compara cu e personanan cu ta biba den areanan di nivelnan di ingreso mas halto, Pointer a mira den un analisis di datonan di National Catering and Retail di Lcoatus desde aña 2011 y 2021. E cantidad di opcion ma cuminda fresco ta mesun cos den ambos bario, e programa a reporta.
E analisis a demostra cu e cantidad di localidad di ‘fast food’, donut shop, tienda di ice cream y doner a aumenta explosivamente durante 2011 y 2021, mientras cu e tiendanan fresco manera panaderia y mercado a disminui.
Un bista mas detaya na e datonan di aña 2021 a mustra cu personanan cu ta biba den barionan cu hopi residentenan di baho ingreso tin un seleccion mas amplio di cuminda cu no ta saludabel. Tin un averahe di 11 tent di cuminda cu no ta saludabel pa cada 10,000 habitante di e barionan aki. Mientras cu den bario di ingreso mas halto, tin solamente 6 opcion cu no ta saludabel pa cada 10,000 residente. E cantidad di tiendanan cu cuminda fresco ta mas o menos mescos den tur bario cu 6 pa cada 10,000 habitante.
Esaki ta causa cu personanan cu ingreso mas abao ta na un riesgo aumenta di obesidad. Den e categoria di ingreso mas abao, 18.7 porciento di persona ta obeso, compara cu 9.6 porciento den grupo di ingreso halto. Investigacion di RIVM anteriormente a demostra cu residentenan di Hulanda cu un nivel di educacion abao ta biba mas o menos 6 aña menos y 15 aña menos den bon salud compara cu personanan di educacion halto.
