(DiarioLibre) – Estado Dominicano ta busca pa recupera cerca di 40 mil miyon di pesos den e procesonan di corupcion administrativo cu actualmente tin na den man di husticia, contra ex-funcionarionan publico.
A traves di e Ekipo di Recuperacion di Patrimonio Publico (ERPP), un colectivo di abogadonan cu delegacion special otorga pa e Presidencia di e Republica, ta busca recupera bienes, balor- y activonan propiedad di Estado cu ta den man di terceronan pa apropiacion ilegitimo of bao cualkier titulo of medio operativo.
E ERPP ta wordo lidera pa Jorge Luis Polanco Rodriguez y cuater coordinador di ekipo y hunto cu nan 27 abogado, cu ta persigui recupera fondonan horta y cu ta den man di husticia den e operacionnan Coral, Coral 5G, Antipulpo, Medusa y 13.
Pa e caso Antipulpo, e Estado ta busca e restitucion y indemnisacion di e suma di 23.903.465.542,00 pesos manera reparacion husto di e dañonan y perhucio cu nan a sufri. E imputado principal ta Juan Alexis Medina.
Pa e caso Coral y Coral 5G, nan ta reclama 6.000.000.000,00 pesos pa e ilicitonan. E imputadonan ta e generalnan Juan Carlos torres Robiou, Julio Camilo de los Santos Viola y Boanerges Reyes Batista, entre otro.
Pa e caso Medusa, e Estado ta persigui e recuperacion di e suma di 9.200.000.000,00 pesos y e principal imputado ta e ex-procurador Jean Alain Rodriguez. Ta,be pa e caso Operacion 13 nan ta reclama mas di 600.000.000,00 pesos pa e fraude contra e Loteria Nacional.
