(NLTimes) – Ocho taxista operando na aeropuerto Schiphol ta ser acusa di explota turista door di cobra sumanan exorbitante y menasanan di violencia si nan no paga.
4 di e sospechosonan a presenta na corte riba diamars, De Telegraaf a reporta. E taxistanan a ser aresta prome den aña 2017. Segun e autoridadnan, sospechoso principal Tarik K. di 36 aña di edad a cuminsa ataca turistanan stranhero ken e tabata pensa lo ta facil di estafa, personanan cu el a pensa no lo por papia e idioma Hulandes y a mustra manera nan tabata riba nan prome bishita na Hulanda. El a acerca e victimanan y e dirigi nan na un taxista parti di su gang, ken lo cobra nan sumanan sumamente halto te hasta pa distancianan cercano, si nan nenga di paga, e turistanan lo ser menasa.
Den 2016 e gang aki a cobra un grupo di turista 485 euro pa hiba nan for di Schiphol na Amsterdam West. Un otro persona a cobra nan mas o menos 600 euro pa un trip di e aeropuerto te na su hotel na Amsterdam Zuidoost. Ora cu el a nenga di paga, K. aparentemente a tuma 300 euro for di su cartera, su camara y a forsa e homber saca mas placa na ATM.
Public Prosecution Service lo demanda sentencia contra di e sospechosonan otro siman.
