Cuanto biaha bo a haci dieet den bo bida? Cu e obhetivo di cuida bo curpa, bo ta scoge loke bo ta bay come, bo ta restringi cierto alimentonan perhudicial y bo ta aumenta e cantidad di cuminda mas saludabel. Awor, a bo tambe ta cuida bo mente di mesun manera?

Mester sa cu mester cuida e procesonan mental, cu den gran medida ta e parti responsabel con e persona ta sinti. Di exito cu e ta logra y di e oportunidadnan cu e ta laga pasa. Si e ta sinti tristo, frustra, desespera, si no ta gusta e realidad actual, check e contenido mental, esey ta e prome paso.

Termino dieet ta referi como control of regulacion di alimentonan cu un persona ta digeri, cu e fin di logra un meta specifico. Igualmente ta existi dieet pa baha peso, pa mehora estado di salud; den tur di nan ta tuma decisionnan consciente y delibera di loke ta wordo introduci den e organismo.

Dieet mental ta consisti di establece e tipo di contenido cognitivo cu e persona ta desea sostene, promove y descarta esunnan cu no ta den e linea di nan obhetivo. Den palabranan mas facil, ta consisti di tuma responsabilidad riba loke ta pensa.

Algun persona ta kere cu esaki ta algo riba locual nan no tin control: pensamento simplemente ta bin, motiva pa circunstancianan cu ta biba den cada momento y no tin nada mas pa haci. E realidad ta cu e patronchi di pensamento no ta mas cu habito, ta custuma di pensa di un forma determina, sinembargo, por haci cambionan na esey.

Tin personanan cu ta puntra pa nan mes pakico mester haci dieet mental of pakico inverti esfuerso pa cambia e serie di patronchi di pensamento cu ta bin presenta durante añanan? E realidad ta cu por experimenta transformacion profundo y hopi positivo si ta cuminsa practik’e. Entre e principal ta cu e persona mester mehora e relacion cu su mes, esey ta e parti mas importante pa motibo cu si e relacion aki no ta positivo, e persona ta convivi cu un stem cu constantemente ta recorda cu e mes no ta valido, cu no ta merece, cu ta recorda cuanto erornan ta comete y cuanto biaha a fracasa, ta haci sinti e persona miserabel.

Dieet mental ta crea den e persona e habito di papia cu su mes cu amor, respet y compasion, ta moldea e imagen cu tin aumentando autoestima, pa loke ta bira un miho aliado.

Tambe ta faborece estadonan emocional positivo como ansiedad, miedo, tristeza, frustracion. Tur estado emocional ta e resultado directo di pensamento di cada ken, si ta haci un limpiesa mental, si ta cuminsa selecciona ki tipo di creencia ta admiti y ki tipo no, e manera di sinti lo cambia hopi lihe.

Ta yuda enfrenta adversidad. Cada biaha cu e persona ta enfrenta un obstaculo of adversidad, ta pone den marcha un dialogo interno, cu ta yuda interpreta y procesa loke ta pasando y ta dicidi ki tipo di accion lo tuma.

Mediante e dieet mental por haya un dialogo di motivacion y di empoderamento, cu lo yuda mantene un actitud optimista y e asina e persona lo considera di bay dilanti.

Cu e tipo di contenido mental ey ta fomenta e resiliencia y lo logra un regulacion emocional den momentonan mas dificil.

Pa logra un meta, personanan tin cu bira nan mesun coach personal, pa kere den nan mes y pa guia nan mes durante e proceso, tambe pa redefini ora mester haci un cambio di destino.

Cu dieet mental, ta educa e estilo ey di pensamento di e forma cu lo compaña di un miho manera, pa haci e persona sinti capaz y proporciona e estimulo cu nan mester pa sigui. Ta p’esey cu mester identifica e pensamento mas dominante y establece esnan mas apropia cu lo nutri e mente for di e momento ey.

Momento cu tuma e decision di cuminsa e dieet mental ta momento di cambia pensamentonan negativo pa positivo, pa esnan agradabel, motivador y optimista.

Tambe ta necesario pa purba esey durante un tempo, por ehemplo cuminsa cu siete dia, permitiendo solamente pensamento constructivo y positivo, cu den e tempo lo nota un diferencia grandi, estado di animo lo mehora, relacionnan lo ta mas satisfactorio y lo sinti mas motiva y capaz di logra e metanan. Despues di un tempo lo mira cu cosnan lo ta diferente.