(AP) – Fabricante di autonan electrico Tesla a habri su prome fabrica Europeo riba diamars alrededor di Berlin den un esfuerso pa desafia bfabricantenan Aleman den nan mesun teritorio.
E compania ta bisa cu su “Gigafactory” nobo lo emplea 12,000 persona y produci 500,000 vehiculo pa aña na momento cu esaki ta funcionando 100 porciento. Produccion inicial lo enfoca riba Tesla Model Y Compact Sport Utility Vehicle.
Olaf Scholz di alemania a atende e ceremonia di apertura na Gruenheide, sur-este di e capital Aleman, cu hefe di Tesla Elon Musk, ken a duna un baile na e fanatico mientras cu e prome autonan a sali for di e fabrica. Despues el a publica riba Twitter gradicimento na Alemania bisando “Danke Deutschland!” cu varios bandera Aleman.
Minister di Economia Robert Habeck a bisa cu e apertura di e fabrica ta un bunita simbolo cu e autonan cu ta core cu gasolin por ser reemplasa pa autonan electrico durante un tempo unda Alemania y otro paisnan Europeo ta purbando di minimalisa e emision di gas y baha e dependencia riba Rusia.
Tesla a cuminsa cu e construccion di e fabrica menos di 3 aña pasa, prome cu el a ricibi permisonan oficial pa haci esaki. Si e permiso no lo a ser otorga, e compania lo mester a regresa e sitio na su normalidad. “E ta un tipo di cultura di riesgo diferente,” Habeck a bisa, despues di a ser pidi pa compra Tesla su strategia cu e velocidad slow di proyectonan di construccion Aleman manera Berlin su aeropuerto, cual a habri despues di un retraso di 9 aña.
Activistanan di ambiente a adverti cu e fabrica lo por afecta e awa potabel den e region. Tesla a descarta e advertencianan aki. E compania a nenga casi tur acceso na media na e sitio y e ceremonia riba diamars.
