80 biyon euro den bienes Ruso haya na Hulanda

(NLTimes) – Por lo menos 80 biyon euro den bienes conecta na companianan Ruso por ser haya na Hulanda, segun un reportahe di Het Financieele Dagblad den colaboracion cu Company Info. Alrededor di 45 biyon euro ta conecta cu magnatenan Ruso y e companianan cu a ser sanciona pa e Union Europeo despues di Rusia su invasion na Ucrania.

E cantidad di bienes Ruso cu ta na Hulanda ainda no ta cla, sinembargo FD su inventario a haya cu por lo menos 3,800 compania cu un conexion Ruso. E companianan ta inclui esunnan cu ta pertenece na e estado Ruso, tambe e grupo di gas natural Gazprom, compania di supermarket x% y compania di telecomunicacion Veon. Companianan Ruso hopi biaha ta conecta cu Hulanda pa e tarifanan di impuesto faborabel segun FD. “Esakinan claramente no ta tur mal compania,” abogado di sancion Yvo Amar a conta FD. “Y e Ministerio di Asuntonan Stranhero a atrae e placa ey papiando cada biaha di e impuesto na e embahada na Moscu.”

E investigacion a haya cu 18 partido cu ta den e lista di e sancionnan di parti di Union Europeo ta 14 magnate y e institucionnan financiero Sogaz, VTB Bank, Bank Rossiya y Gazprombank. E individuonan sanciona ta inclui Ceo di companianan di medionan Ruso. E otro magnatenan tambe tin “interesnan fuerte na Hulanda” y te ainda no a ser sanciona pa e Union Europeo, incluyendo e doño di Lukoil y aerolinea Volga-Depnr, FD a reporta.

Den contraste, institucionnan Hulandes a blokia 200 miyon euro den bienes Ruso bao di e sancionnan di parti di e Union Europeo.E bienesnan aki ta solamente den e forma di balans na banco y no companianan cu expertonan ta kere tin biyones mas den bienes. Amar a bisa cu un di e desafionan pa por yega na e bienesnan aki ta di saca afo “ken enrealidad ta controla e structura.”