Fundacion BOB Aruba ta e fundacion oficial cu ta registra cifra di cancer di pecho na Aruba. E fundacion ta haci e programa di screening di pecho caminda un poblacion grandi di hende muhe ta keda registra y cada dos aña e hende muhe por haci su test. Esaki ta un programa preventivo unda cu e hende muhe sea cu nan tin molester of no, cada hende muhe por haci e test na Fundacion BOB na e edad di 45 pa 75 aña. sinembargo tin indicacion cu e edad ta bahando, pero e grupo di mas grandi di e hende muhe cuta haya cancer di pecho ta keda entre 45 y 75 aña.
Pa e grupo di mas jong tin caminda nan pa cana pa cu prevencion. Pa tur situacion fundacion BOB ta keda duna informacion y focus riba sanacion propio na cas, principalmente na e grupo mas hoben cu por haya informacion, pero no por haci e test nan na Fundacion BOB ainda. Hopi importante ta cu e hende muhe den edad di 20 pa 30 aña mester por practica y conoce bo curpa pa sinti y haya sa si ta sinti un pipita of no den e pecho. Un pecho di un hende muhe ta yena cu structura y na momento cu tin cambio doño di curpa ta e prome cu ta sinti esey y ta ripara na tempo.
Ultimo dos aña nan fundacion BOB a habri caminda unda cu ta brinda ayudo di informacion y a habri un Instagram account unda cu riba e plataforma aki trata di trece e informacion padilanti pa esun cu ta mas hoben pa nan percura pa nan salud y pa nan sa kico nan por haci na cualkier momento pa conoce nan mes un curpa.
E balor propio ta hopi importante pa cada hende muhe di 45 aña bay ariba haci nan test cada dos aña y kisas nan tambe por motiva un mama, un tanta of cualkier persona cu nan ta cerca di nan cu kisas nan no ta durf of cu nan no ta kere aden.
Di e manera aki Fundacion BOB ta trata di haya e hoben nan mirando cu nan ta e futuro di Aruba y ta importante pa nan conoce nan curpa bon pero pa tambe nan keda controla y ora nan bira adulto na e edad cu nan por haci test nan haci esaki tambe. Fundacion BOB riba su mes ta hopi activo unda cu ta duna diferente charla nan, pero tambe ta habri pa esnan cu no tin edad pa haci e test pero pa nan por haya e informacion necesario si.
Fundacion BOB ta cay bao di AZV y tin un bista cu e hende muhe entre 45 pa 75 aña ta haya cancer di pecho y esey ta e grupo tambe cu por haci e test nan na fundacion BOB cuta den e sistema tambe. Sinembargo e pecho nan di hende nan mas hoben cu 45 aña hopi biaha ta pecho nan mas yen debi cu ta mas jong. Na momento cu nan mester haci e test no lo por mira bon debi cu lo sali hopi blanco y na unda cu e problema nan den pecho tambe ta keda ilustra blanco e ora e mamografia no ta e miho metodo pa e pechonan hopi mas hoben.
E conseho ta keda pa esnan cu ta mas hoben pa conoce nan curpa pone un dia special pa tin un poco tempo pa bo mes y conoce bo pecho. Fundacion BOB tey pa duna informacion y riba youtube tambe tin diferente tutorials cu por mira con pa haci esaki y preveni cancer di pecho.
Na momento cu esnan di un edad di 45 aña bay abao tuma nota di algo diferente of tin molester ta conseha pa bay dokter di cas y dokter di cas ta controla e pechonan pa wak si e tambe ta sinti of ripara algo cu e pashent tin keho di dje, e ora e dokter di cas por dicidi pa manda un verwijsbrief pa hospital pa haci un mamografia prome y despues por haci un ego. Den caso di un pecho mas hoben e ego ta necesario y si e ta un situacion mas avansa e mamografia lo saca esaki afo.
Na fundacion BOB lo por haci e test di mamografia so , pero pa solamente persona nan entre 45 y 75 aña. Na momento cu constata algo lo manda e resultado pa dokter di cas y e dokter di cas lo manda un verwijsbrief pa e cliente por bay haci otro test nan na hospital.
