(NLTimes) – Un homber Hulandes di Arnhem tabata encarcela y tortura pa e regimen di Siria den comienso di aña 2010, segun un investigacion conduci pa NRC.
Aparentemente e ta hopi probabel cu su persona a fayece despues di 4 aña den detencion. E descubrimentonan aki por resulta den accion legal si e Ministerio di Asuntonan Stranhero dicidi di inclui e caso aki den Hulanda su decision di considera Siria responsabel pa violacion di derecho humano y tortura.
Na Arnhem, e homber tabatin un fundacion cu a atrae hobennan radical, segun su municipalidad. El a disparce mientras cu e tabata na lebanon den aña 2013 y a keda revela di ta encarcela na Siria un aña despues. Bao di e regimen di president di Siria Bashal al-Assad, el a ser tortura y acusa di spionahe y contacto cu terorista. No a keda cla si el a biaha bay Siria libremente. Dos di su compañeronan di cel anterior a bisa cu el a ser secuestra na Libanon pa Hezbollah y hiba Siria. Un oficial di e regimen di Siria a confirma cu e grupo militante a trece e homber di Arnhem.
Tambe a conta NRC cu mientras cu e tabata ser tortura, e homber tabata “grita asina duro cu tabata ordena e guardianan pa stop.” E homber Hulandes su fayecimento a keda reporta como un ataca di curason, cual ta un termino cu e regimen sa usa pa describi morto pa causa di tortura.
Ministerio di Asuntonan stranhero tabata informa di esaki desde por lo menos 2016, sinembargo a scoge di no yuda su persona via di por ehempel e embahada Romano cu ta na Damascus. E embahada Hulandes na e pais aki a suspendi su servicionan den aña 2012 pa causa di “circunstancianan cu ta keda deteriora na Siria.”
