(NLTimes) – GGD den e region di West Brabant a bisa cu 247 cu a ricibi un di dos booster shot di COVID-19 a ricibi un dosis inadecua di e vacuna Moderna.
E problema ta cu administradonan di e vacuna a usa e combinacion incorecto di tipo di hangua, cual a resulta cu un poco di e likido a keda den e hangua despues di e inyeccion segun Omroep Brabant.
“Pa causa di e eror, 0.15 milliliter a keda duna. Esaki mester ta 0.25 milliliter. E dosis maximo ta 0.5 milliliter,” representante di West Brabant a conta. Otro inyeccion lo cay dentro di un margen sigur, el a bisa. GGD a consulta cu RIVM pa dialoga tocante e problema prome cu dicidi pa invita e personanan afecta pa bolbe bek e sitio di vacunacion.
E problema a tuma luga na Breda Airport na Bosschenhoofd dia 4 di maart. GGD ya caba a contacta tur di nan pa un inyeccion nobo. Algun di nan ya caba a ricibi un otro inyeccion, mientras cu otronan ya caba a haci un afspraak.
“Nos ta haya esaki un situacion hopi iritante y ta pidi despensa na e personanan cu ta involucra,” GGD a bisa.
