(NLTimes) – Ayera mainta, alrededor di 200 familiar, victima, testigo y residentenan involucra na Utrecht a conmemora un atake terorista riba un tram di e ciudad riba 24 Oktoberplein. Gokmen T. a tira riba e tram express na e centro di e ciudad tres aña pasa, matando cuatro persona y lagando cantidad di otro herida.
Pa prome biaha, e conmemoracion tabata habri pa publico. Pa motibo di lockdown di coronavirus, e prome dos conmemoracion mester a tuma lugar den un circulo chikito. Gokman T. a keda sentencia na bida largo den prison pa a comete e acto terorista.
“Terorismo semper ta sin sentido y destructivo”, alcalde interino Lot van Hooijdonk a bisa. Segun Van Hooijdonk, e atake ‘a cambia mundo pa semper’ pa e victimanan, trahadornan di rescate y nan famia.
E alcalde a asumi e funcion pa Sharon Dijksma, kende no por a tabata presente pasobra e ta contagia cu coronavirus. El a bisa cu tabata ‘hopi fastioso’ cu e no por t’ey na e prome conmemoracion publico, papiando cu RTV Utrecht. “Esaki ta un momento riba cual bo mester t’ey. Mi ta un persona cu ta hopi preciso pa cu esey, y pa laga esey bay ta fastioso.”
Despues di un minuut di silencio, agentenan di polis, paramedico, familiarnan, minister Dila Yesilgoz di Husticia y Seguridad, Arne Schaddelee, entre otronan, a pone flor na e monumento den memoria di e atake.
E belnan di Domtoren a zona cuatro biaha, un pa cada persona cu a perde su bida.
