(AP) — Defensa di West Ham, Kurt Zouma ta siendo procesa pa un organisacion caritativo pa bienestar animal, pa un suceso den cual el a dal y scop su pushi, cu a keda graba riba video.
E Sociedad Real pa Prevencion di Crueldad pa Animalnan a tuma e dos pushi mascota di Zouma den nan cuido, despues cu imagennan di e abuso a aparece riba rednan social luna pasa. “Despues di un investigacion completo y profundo, nos a cuminsa e proceso di trece cargonan criminal contra Kurt Zouma y (su roman homber) Yoan Zouma, bao di e Ley di Bienestar Animal”, e RSPCA a bisa. “E dos pushi ta continua den cuido di e RSPCA. Nos ta bay ta den un posicion pa duna mas informacion unabes cu corte confirma un fecha.”
Ley Britanico ta permiti organisacionnan manera e RSPCA usa abogadonan specialista pa trece procesonan legal priva contra individuonan, cu casonan asina siendo scucha den corte, y algun biaha ta pasa pa fiscalnan publico.
E caridad, cu no tin e poder pa acusa hende, a bsia cu ta bay ‘duna un citacion na tur esnan involucra’ unabes cu detayenan di corte ta finalisa.
West Ham a multa Zouma e salario di dos siman – e maximo cantidad posible – na momento cu e incidente a bira conoci, pero manager David Moyes a continua usa e defensa na momento cu ta fit.
Fanaticonan ta rechasa Zouma durante weganan.
“West Ham United ta na altura di e declaracion di RSPCA relaciona cu su investigacion involucrando Kurt Zouma”, e club di London a bisa. “Kurt ta continua cooperando completamente, cu sosten di e club. Segun nos por a compronde, pushinan di Kurt a ricibi atencion veterinario, ta den bon salud y no a sufri lesionnan fisico. Pa motibonan legal, ni Kurt ni e club ta bay duna mas comentario na e momento aki.”
Yoan Zouma a keda suspendi luna pasa pa team Dagenham di di cinco division, cual a bisa cu e tabata responsable pa filma e incidente.
E club di Liga Nacional a bisa cu awo ta bay considera e hungador pa seleccion, declarando cu mas suspension lo ta ‘dañino’ pa e hungador y e club.
