(NLTimes) – Estadonan miembro di e Union Europeo tin plan di implementa un quota pa e cantidad di muhenan den companianan Europeo cu tin e posicionnan halto.
E quota aki lo ta hopi mas halto cu esun Hulandes. E paisnan di EU kier por lo menos 40 hende muhe y 40 porciento homber den companianan su lista di directiva di supervision den 5 aña. Of por lo menos 33 porciento di cada un den e directivanan ehecutivo y di supervision. E quota di Hulanda, cual a drenta den efecto e aña aki, ta bisa cu por lo menos un tercer parti di directiva di supervision mester ta hende muhe.
Ministernan di Asuntonan Social y Empleo di EU a keda di acuerdo riba dialuna tocante e proposicion di e Comision Europeo pa kibra e barera invisibel den e comunidad laboral su posicionnan halto. Estadonan cu ta miembro awo ta buscando un acuerdo cu e Parlamento Europeo, cual semper tabata kier a yega na e punto aki.
E comision anteriormente a propone e directiva den aña 202, sinembargo esaki a keda blokia pa añanan largo pa un minoria den oposicion, incluyendo Alemania. Segun Minister Hulanfes KArien van Gennip di Asuntonan Social, Berlin awo a vota a fabor di esaki, di mesun manera cu e mes a haci.
Solamente 3 di 10 director den companianan grandi di EU tabata muhe. No ta tur pais den EU a trece dilanti reglanan pa mehora e calidad den e topico aki, sinembargo Hulanda a implementa e legislacion nacional dia 1 di januari cu e intencion di promove igualdad den genero den e posicionnan halto den e comunidad laboral y di negoshi.
Female Board Index di aña 2021 a mustra cu e directivanan di supervision di e companianan parti di e lista na Hulanda tabata consisti di muhe cu un porcentahe di 33. “Nos ta mirando gran pasonan na Hulanda,” van Gennip a bisa. E lo “haci su mayor esfuerso” pa yega na miho resultadonan durante e proximo 5 añanan.
