(NLTimes) – Cada biaha mas chauffeur ta bayendo for di stacion di gasolin sin paga pa e servicio, NOS a reporta.
SODA, un fundacion cu ta controla e robo di gasolin pa centenares di stacion di gasolin den e pais, a menciona e aumento dramatico den prijs di gasolin y diesel como e motibo. E tamano di e servicionan cu no a ser paga ainda tambe ta creciendo.
“Mi no ta kere cu tin un aumento den crimen, sino den falta di poder,” Lourens ‘t Hart di SODA a bisa. “Hendenan kier paga, pero nan djis no por.”
Aunke cu cuerpo policial te ainda no a mira mas reportahe di robo di gasolin mas cu lo normal, ‘t Hart a kere cu esaki ta pa motibo cu tin un poco di retraso den e reportahe di e stacionnan cu ser haci na autoridadnan. Sinembargo, SODA tin suficiente motibo pa kere cu e cantidad di chauffeur cu ta tuma gasolin sin paga ta mas halto cu normal, en general, entre 350 y 370 chauffeur ta haci esaki cada siman.
E tactica mas comun ta clientenan cu ta indica cu nan no tin suficiente placa na momento di paga y ta priminti cu nan lo bolbe bek pa paga esaki, “Semper nan tin un storia cla y nan ta priminti cu nan lo bolbe bek pronto. Pero hopi biaha, nan no ta bolbe bek, aunke cu nan laga atras nan paspoort of ID,” dono di stacion Rosan Kreijne a conta NOS.
E dano di robo di gasolin na e dononan di e stacion tambe ta mas halto cu lo normal pa causa di e prijsnan halto. “Mi ta premira cu e aumento aki lo sigui den futuro mirando cu e prijsnan ta halto,” ‘t Hart a bisa.
