Importacion y exportacion, cuarto kwartaal 2021

Oficina Central di Estadistica ta presenta e resultadonan principal di e cifranan di importacion y exportacion, cuarto kwartaal 2021.

Importacion total

Importacion total, den peso, a registra un subida di 26.2 % den e cuarto kwartaal di 2021 (161.3 mln. kg) compara cu e mesun periodo den 2020 (127.8 mln. kg), den balor, ela subi cu 41.7% di Afl. 439.0 mln. pa Afl. 622.1 mln.

Importacion pa e area liber di Aruba* (peso)

Importacion pa e area liber di Aruba pa e cuarto kwartaal di 2021, a subi cu 26.4% di 125.8 mln. kg na 2020 pa 159.0 mln. kg na 2021. Durante e periodo aki diescinco (15) di e bintiun (21) seccionnan, a registra subida den importacion den peso pa e area liber di Aruba.

E subidanan mas grandi a wordo registra ta den e seccion “Productonan mineral” (28.5 mln. kg), “Metalnan comun y trabounan deriva” (1.6 mln. kg) y “Animalnan bibo y otro productonan di origen di animal)” (1.6 mln. kg).

E caidanan mas grandi ta den e seccionnan “Obranan di piedra, gips, cement of asbest” (-1.5 mln. kg), “Productonan kimico” (-0.5 mln. kg) y “Makinaria y ekiponan electronico (nobo y renoba)” (-0.3 mln. kg).

Importacion pa e area liber di Aruba (balor)

Importacion pa e area liber di Aruba pa e cuarto kwartaal di 2021, den balor, a subi cu 42.2% di Afl. 415.9 mln. na 2020 pa Afl. 591.2 mln. na 2021. Durante e periodo aki binti (20) di e bintiun (21) seccionnan, a registra subida den importacion den balor pa e area liber di Aruba.

E subidanan mas grandi ta den e seccionnan “Animalnan bibo y otro productonan di origen di animal” (Afl. 24.8 mln.), “Productonan alimenticio” (Afl. 23.8 mln.), “Productonan mineral” (Afl. 18.7 mln.) y “Perlanan real y otro tipo di piedranan precioso” (Afl. 17.8 mln.).

E unico caida cu a wordo registra ta den e seccion “Objetonan di arte, piezanan di coleccion y antiguedadnan” (-0.4 mln. kg).

Importacion pa e area di Zona Franca di Aruba

Importacion pa e area di Zona Franca di Aruba, den peso, a registra un subida di 12.9% den e cuarto kwartaal di 2021 (2.2 mln. kg) compara cu e mesun periodo den 2020 (2.0 mln. kg), den balor, ela subi cu 33.5% di Afl. 23.1 pa Afl. 30.8 mln.

E importacion (pa e area liber di Aruba) menciona anteriormente ta e resultado di Importacion via Lama y Importacion via Aire, cual tawata tin e siguiente desarayonan:

1. Importacion pa e area liber di Aruba* via Lama

Importacion via di Lama pa e area liber di Aruba, den peso, a registra un subida di 26.4% den e cuarto kwartaal di 2021 (158.2 mln. kg) compara cu e mesun periodo den 2020 (125.2 mln. kg), den balor, ela subi cu 38.7% di Afl. 344.3 pa Afl. 477.7 mln.

2. Importacion pa e area liber di Aruba* via Aire

Importacion via di aire pa e area liber di Aruba, den peso, a registra un subida di 32.0% den e cuarto kwartaal di 2021 (0.8 mln. kg) compara cu e mesun periodo den 2020 (0.6 mln. kg), den balor, tin un subida di 58.6% di Afl. 71.6 mln. pa Afl. 113.5 mln.

Importacion pa e area liber di Aruba* pa “Companianan grandi”**

Importacion pa “Companianan grandi”, den peso, a subi cu 16.5%, di 20.4 mln. kg den e cuarto kwartaal di 2020 pa 23.8 mln. kg den e cuarto kwartaal Exportacion total

Exportacion total, den peso, a registra un subida di 32.0% den e cuarto kwartaal di 2021 (7.2 mln. kg) compara cu e mesun periodo di 2020 (5.5 mln. kg), mientras, den balor, ela subi cu 27.7% di Afl. 34.7 mln. pa Afl. 44.3 mln.

Exportacion for di area liber di Aruba* (peso)

Exportacion for di e area liber di Aruba, den peso, a registra un subida di 14.5% den e cuarto kwartaal di 2021 (4.9 mln. kg) compara cu e mesun periodo den 2020 (4.3 mln. kg). Diestres (13) di e bintiun (21) seccionnan, a registra subida den exportacion den peso pa e area liber di Aruba. E subidanan mas grandi ta den e seccionnan “Metalnan comun y trabounan deriva” (0.5 mln. kg), “Materialnan pa fabricacion di papel y materialnan di papel” (0.5 mln. kg) y “Obranan di piedra, gips, cement of asbest” 0.04 mln. kg).

E caidanan mas grandi ta den e seccionnan “Productonan alimenticio” (-0.2 mln. kg), “Ekiponan di transporte” (-0.1 mln. kg) y “Productonan kimico” (-0.1 mln. kg).

Exportacion for di area liber di Aruba (balor)

Exportacion for di e area liber di Aruba, den balor, a registra un caida di 24.0% den e cuarto kwartaal di 2021 (12.5 mln.) compara cu e mesun periodo den 2020 (16.5 mln. kg).

Diescuater (14) di e bintiun (21) seccionnan, a registra caida den exportacion den balor pa e area liber di Aruba. E caidanan mas grandi ta den e seccionnan “Perlanan real y otro tipo di piedranan precioso” (Afl. -1.4 mln.), “Instrumentonan, aparatonan y ekiponan optico” (Afl. -1.2 mln.)” y “Productonan kimico” (Afl. -0.6 mln.).

E subidanan mas grandi ta den e seccionnan “Objetonan di arte, piezanan di coleccion y antiguedadnan” (Afl. 0.4 mln.) y “Fibranan y articulonan textil” (Afl. 0.3 mln.).

Exportacion for di e area di Zona Franca di Aruba

Exportacion for di e area di Zona Franca di Aruba, den peso, a registra un subida di 95.2% den e cuarto kwartaal di 2021 (2.3 mln. kg) compara cu e mesun periodo den 2020 (1.2 mln. kg), den balor, ela subi cu 74.7% di Afl. 18.2 pa Afl. 31.8 mln.