(AP) – Reguladornan Europeo y Britanico a menasa di aumenta presion riba Google y Meta tocante un acuerdo pa un ilustracion online di nan servicionan di aviso, bisando diabierna cu e trato posiblemente ta kibra reglanan di competencia husto.
E critica na Europa, cual ta causando un gran esfuerso pa revisa y vigila companianan grandi di tecnologia, ta yega Google su negoshi principal, e avisonan digital cu ta genera casi tur su ganashi. Den e mercado di ‘ad tech’ den e union di Google y un gran cantidad di publicadornan y creadornan di aviso online, e compania ta control a e acceso na e personanan cu pone un aviso riba nan plataforma di buskeda. Google tambe ta maneha e proceso pa e personanan por pone nan riba un publicador su sitio web.
E Union Europeo su vigilante pa competencia a habri un investigacion tocante un pacto haci den aña 2018 pa Meta’s Audience Network participa den Google su Open Bidding Program. E comision Europeo, e parti ehecutivo di ey a bisa cu e trato, cual Google a yama internamente “Jedi Blue,” por ta parti di esfuersonan pa exclui servicionan di aviso tecnologico cu ta competi cu Google su Open Bidding Program.
Britania su Competition and Markets Authority a anuncia un investigacion paralelo tocante e acuerdo, cual tambe ta e enfoke di un demanda poni pa e estado contra di Google cu ta den man di corte actualmente. Google a bisa cu e “acusacionnan haci tocante e acuerdo ta falso,” yamando esaki un “un acuerdo publicamente documenta cu ta pro-competencia” cual ta permiti Facebook participa den e Open Bidding Program conhuntamente cu decenas di otro companianan.
Meta a bisa cu e “acuerdo cu Google cual no ta exclusivo, y e acuerdonan similar cu nan a haci cu otro plataformanan, a yuda aumenta e competencia pa pone aviso.” Meta a bisa cu nan lo coopera cu ambos EU y Reino Uni pa cu nan preguntanan.
EU Competition Commissioner Margrethe Vestager a bisa cu si e investigacion confirma e vigilante su sospechanan, “esaki lo restringi y distorciona competencia den e mercado cu ya caba ta concentra, cual lo causa daño na otro tecnologianan, publicadornan y consumidornan tambe.” E comision Europeo a bisa cu nan tin intencion di “coopera di cerca” cu e autoridad di competencia su investigacion.
E vigilantenan ta investigando e acuerdo y si Google a abusa di su posicion dominante den e mercado di aviso online.
