Ayera den su resumen semanal riba desaroyonan di pandemia di Covid-19 na Aruba, Departamento di Salubridad Publico DVG a informa cu den ultimo siman, 60 persona a recupera di e malesa, mientras cu a registra 64 caso nobo di Covid-19.
E cantidad di casonan activo di Covid-19 ayera tabata 72. E cantidad di fayecidonan relaciona cu Covid-19 na Aruba ta 212.
Datonan di DVG ta ilustra casonan nobo di Covid cu un averahe semanal di 9 caso pa dia y un averahe di tasa di positividad semanal di 18 porciento pa dia.
Actualmente na Aruba tin cuatro persona hospitalisa cu of debi na Covid, di cual den Unidad di Cuido Intensivo no tin ningun persona. Riba piso general tin cuatro persona.
Ademas, na Colombia actualmente tin cuatro pashent di Aruba hospitalisa den ICU, y ningun riba piso general.
