(NLTimes) – Desde e brote di e pandemia di coronavirus, empleadonan di GGD tabata laba nan man cu desinfectante cu tabatin ethanol demasiado frecuente.
Esaki a causa varios riesgo di salud, incluyendo un riesgo aumenta di desaroya cancer di pecho, AD a reporta basa riba un carta cu GGD a skirbi na nan empleado. “Investigacion di RIVM awo a demostra cu e uso frecuente di gel di man cu ta contene ethanol ta trece posibel riesgonan di salud,” GGD a bisa den e carta.
Ethanol ta carcinogenico. Segun e regulacionnan di salud, hende por laba nan man cu productonan cu ta contene ethanol no mas cu 32 biaha pa dia. Sinembargo, durante e pandemia e empleadonan di GGD a laba nan mas hopi mas biaha cu esaki, Por ehempel, e guia di GGD tabata bisa cu empleadonan mester laba nan man despues di cada persona cu test positivo pa coronavirus. Un empleado a conta e corant cu nan tabata test te hasta 150 persona den un dia di trabao di 6 ora.
“E riesgo extra ta cu boso ta aden ta hopi chikito,” GGD a sigui bisa den e carta segun AD. “Si bo desinfecta bo man 100 biaha pa dia, 5 biaha pa siman, e riesgo extra di desaroya cancer di pecho ta calcula na 0.012 porciento.”
E servicio di salud a ahusta nan guia di desinfectacion. Empleadonan por laba nan man cu desinfectante cu ta contene alcohol no mas cu 25 biaha pa dia, Sin usa e hand sanitizer cu tin ethanol, muhenan tin 143,000 den 1,000,000 chens di desaroya cancer di pecho den nan bida. Si nan usa e hand sanitizer 25 biaha pa dia, pa henter un aña, e chens aki ta aumenta na 143,015 den 1 miyon vocero di GGD GHOR Nederland a bisa e corant.
“Nos no tabatin ningun intencion di excede e limite. Nos enfoke tabata completamente riba e proteccion di nos empleadonan contra di coronavirus. Un medida importante tabata e desinfenccion regular di bo mannan.”
