(NLTimes) – Polis ta rescata 7 cacho baby di un criadero di puppy. E puppy nan no tabatin paspoort ni buki di vacuna, no tabatin chip y polis tin e impresion cu nan ta bini for di afo, cuerpo policial di Veldhoven a bisa riba Facebook. Cuerpo policial a investiga e paradero di e criadero di puppy danki na un reportahe ricibi despues di a haci un yamado pa informacion tocante traficantenan di bestia sospechoso na Veldhoven. E cachonan a keda confisca y a ser hiba na un localidad secreto, unda cu nan lo keda den cuarentena, pasa door di test pa ‘rabies’ y ricibi nan vacuna. Despues di e periodo di cuarentena, Public Prosecution Service lo determina con lo busca cas pa e bestianan aki.
“Pa causa di e vigilancia di e ciudadanonan, 7 puppy a ser saca for di e circuito criminal,” cuerpo policial a publica. “Un biaha mas nos kier enfatisa; No cumpra puppy cu no ta cumpli cu e rekisitonan.” Ciudadanonan cu yega na un criadero di puppy cu ta sinti sospechoso no mester cumpra un cacho pa “rescata” esaki. Reporta e criadero na cuerpo policial. “Nos lo tuma e medidanan necesario unda cu e bienestar di e bestia ta den prome luga. Pensa prome cu bo cumpra un cacho y sigura cu bo no ta brindando bo sosten na e trafico ilegal.”
Hendenan cu dicidi di cumpra un puppy mester pidi un potret di e cacho su paspoort di adelanta. Tambe pidi pa e record di vacuna y e pagina di informacion general unda cu ta mustra e pais den cual e cacho a nace. “Ora cu bo tin duda, cana bay sin e cacho y reporta e criadero.”
