E cantante Prince Royce y e modelo actriz Emeraude Toubia a anuncia nan divorcio despues di casi 4 anja di matrimonio y 10 anja di relacion.
E publicista di cada un di nan , Jennifer Nieman a duna di conoce na e revista People na spanjo. Cu e decision aki ta un mutuo acuerdo, cu respet y cariño y pa ta hopi cla cu no tin ningun persona cu a involucra den nan bida, pero simplemente cu e exigencia di cada un di nan carera ta impidi cu nan por pasa suficiente tempo di calidad hunto y e conexcion entre nan dos a fria.
Aunke cu den un final di un relacion nunca no ta facil, ambos artista a duna di conoce cu nan ta den paz cu otro y cu nan a tuma e decision aki conhuntamente. Ambos artista ta agradecido na bida y e amor cu ambos a comparti durante e ultimo diez anjanan, asina e pareha a duna di conoce den un comunicado cu e publisista di nan a entrega na e revista People.
E trabao cu cada un ta haci tin nan separa for di otro, Emeraude Toubia ta traha na los angeles y Prince tambe ta viaha hopi pa asina haci su consiertonan. Sinembargo di berdad tin hopi amor entre nan nan lo sigui di ta famia segun un fuente cu ta serca di nan a duan di conoce.
E pareha a keda mira den publico pa ultimo biaha den luna di december durante di e estreno di e serie With Love di Amazon Prime, protagonisa pa Toubia. Desde cuminsamento di anja 2022 e rumornan di separacion tabata core particularmente na comienso di maart cu Emeraude a celebra su 33 cumpleanos solamente cu su amigonan y sin cu e cantante a aparese den ningun di su potretnan.
E cantante di bachata y e actris mexicano a casa den 2018 y tabatin un boda di nan sonjo cu ta na e pueblo magico di San Minguel de Allende na Mexico.
