(NLTimes) – Google ta admiti cu nan a distribui mas di 2,500 aviso di Bitcoin falso usando potret di Jort Kelder, Alexander Klopping, Arjen Lubach y Willem Middelkoop.
Nan abogado Matthijs Kaaks a bisa esaki den corte na Amsterdam riba diamars, unda e celebridadnan Hulandes ta demanda pa Google stop di haci uso di e avisonan aki cu ta tuma forma di comunicado di prensa. “Nos kier preveni Google di laga avisonan falso sigui circula. Google mester filtra tur aviso faslo, y nan no kier haci esaki,” Kelder a bisa den un resumen di e demanda. E avisonan a aparece den sitionan web di noticia y ta parce un articulo noticiero, estafando consumidornan pa convensenan pa inverti den Bitcoin. “Google a trece un ekipo completo pa e demanda aki. Si nan perde e caso, esaki lo causa hopi dano nan nan modelo di negoshi.”
E celebridadnan Hulandes a involucra varios victima den e caso. “Personanan cu a perde nan placa. Pa asina e victimanan haya un cara. Nan daño mester keda compensa, y e daño aki ta core den miyones. Mi ta kere cu como un compania cu ta bende aviso nan mester asumi e responsabilidad aki,” Kelder a expresa.
Segun e abogado Kaaks, Google a declara cu di e 11,000 aviso cu ta usa e nomber di e celebridadnan aki, el a filtra 8,500 prome cu nan a subi online. “E problema ta hopi mas grandi pa motibo cu tin hopi mas celebridadnan cu ta victima di esaki,” Kaaks a bisa. “Den un kwart di e caso, e avisonan falso di Bitcoin ta subi online y circula.”
