(NLTimes) – E 25 region di seguridad mester cada un prepara pa ricibi 2,000 solicitate di asilo di Ucrania.
Dentro di 2 siman, e regionnan di seguridad mester acepta por lo menos 1 persona cada un, y e centronan mester keda designa dentro di 5 dia e Ministerio di Husticia y Seguridad a dicidi den consulta cu Conseho di Seguridad segun reportahe di NOS y NU.nl.
Hulanda ta preparando pa e yegada di varios solicitate di asilo cu ta coriendo for di e invasion Ruso na Ucrania. Riba diahuebs, agencia di refugiado di United Nations UNCHR a calcula cu mas o menos mas di 1 miyon di persona di Ucrania ya caba a sali for di e pais y e cantidad ta sigui aumenta.
Te cu awo, Amsterdam tin espacio disponibel pa 80 persona. E kazerne Harskamp na Ede, Gelderland por ricibi 800 persona. Konijnklijke Marechaussee, un unidad di cuerpo policial cu ta traha cu militar Hulandes y ta responsabel pa seguridad na e frontera, lo referi e solicitatenan di asilo di Ucrania cu nan encontra na frontera of aeropuerto na e sitionan aki.
Waddinxveen tambe a habri un centro pa ricibi 50 persona riba diahues, mientras cu Rotterdam-Rijnmond Security Region ta preparando 2,000 luga. E municipalidad di Rotterdam a contrata 2 cruise ship unda cu 1,000 solicitate di asilo por keda.
Pa causa di e acuerdo di asociacion conclui entre EU y Ucrania den aña 2017, personanan di Ucrania por keda na Hulanda pa un periodo sin necesidad di un visa. E periodo normalmente ta di 90 dia, mas Gabinete tin plan di extende esaki te cu 2 aña dependiendo di con e situacion cu e invasion desaroya.
Pa motibo cu e personanan di Ucrania por keda na Hulanda pa un cierto tempo sin necesidad di un visa, nan no mester aplica pa un asilo. Pa motibo aki, Ministerio di Husticia y Seguridad a pidi pa no referi e solicitatenan di asilo di Ucrania na e centro di asilo na Ter Apel, cual ta unda tur solicitate di asilo nobo mester presenta pa entrega nan peticion, sino aregla un caminda pa nan keda di biaha.
