(AP) – Gobernador republicano Kevin Stitt tin plan di otorga 15 miyon dollar na fabricante di auto electrico Canoo pa yuda sostene e compania su inversion plania di mas di 560 miyon dollar na facilidadnan nobo na Oklahoma, Tulsa World a reporta.
E corant a revisa e contract di Oklahoma Department of Commerce cu a demostra cu e estado su placa di gobernadorr su Quick Action Closing Fund lo sostene Canoo su deseo di provee 1,500 trabao na un fabrica den Pryor, Oklahoma y 700 trabao na dos facilidad na Oklahoma City y Tulsa.
Canoo tambe tin plan di crea facilidad den Arkansas, incluyendo un centro na Bentonville y facilidad di investigacion na Fayetteville.
Canoo a anuncia durante un reunion dialuna cu Oklahoma a finalisa un acuerdo pa cumpra 1,000 vehiculo di e compania, segun loke e corant a reporta.
Crea den aña 2011, closing fund tabatin e intencion como fuente di fondo disponibel pa e gobernador atrae negoshinan di impacto halo. E inversion di 15 miyon dollar ta 5 biaha mas halto cu e record anterior di 3 miyon cu a ser duna 2 biaha, un den 2013 na General Electric pa un centro di investigacion y otro biaha mas den aña 2015 na Commercial Metals Co. den Durant.
