(AP) – Prijs di casnan a aumenta cu 21 porciento den januari compara cu e periodo anterior, cual ta e aumento mas grandi cu a mira desde cu National Statistics Agency (CBS) a cuminsa colecta e dato den aña 1995.
E prijs di vivienda a disminui te yega un record nobo den juni di aña 2013 pa causa di crisis financiero pero desde e tempo aki a keda aumenta. Compara cu juni di aña 2013, prijsnan ta mas cu 90 porciento mas halto.
E averahe di prijs pa vivienda a yega 387,000 euro aña pasa, sinembargo den e ciudadnan Blaricum y Bloemendaal, e prijs paga den e mercado a subi 1 miyon euro pa prome biaha. Den Pekela, na Groningen, por mira un contraste unda cu e averahe di prijs pa vivienda ta solamente 200,000 euro, aunke te hasta e cantidad aki a mira un aumento di 36,000 euro den aña 2020 segun CBS.
7 di e 10 areanan cu e vivienda mas caro ta den e provincia di Noord Holland, mientras cu Groningen y Limburg ta domina e lista di casnan mas economico. E diferencia den e prijs averahe entre e casnan mas caro y barata tambe a aumenta mirando un diferencia di 669,000 te 867,000 euro CBS a publica.
