Despues cu a conkista e musica Urbana karol G ta subi mundo di actuacion unda cu e ta casi pa debuta un seri cu Netflix, y lo e haci esaki banda di e actris Sofia Vergara. E produccion cu ta ser papia di dje ta “ Griselda” cu ta un serie basa den bida di narcotraficante Griselda blanco cu tambe ta conoci manera “La Viuda Negra” of “la Madrina di Cocaina.
Karol G lo duna bida y lo ta Carla den e serie aki, Carla ta un di e muhenan cu ta transporta droga pa Griselda. Asina Billboard a revela. Esaki ta un parti di e serie cu ta hopi importante mirando cu ta hibando un desaroyo real di e personahe. Tambe actualmente Karol ta haciendo diferente les di actuacion pa e por trece un miho show riba escenario , pero e les nan aki ta yude tambe den actuacion y motivacion.
Pa Karol G esaki ta algo totalmente nobo pero cu e ta hopi enthuiciasma pa haci e serie aki y cu e ta sinja hopi tambe mirando cu na momento cu bo ta canta bo ta busca pa sa kico ta loke bo fanatico nan kier, pero pa bo ta un actor bo mester rebiba un personahe manera cu e ta y drenta den su mundo mas hopi cu ta posibel y hacie mas bibo cu ta posibel. .
E serie lo ta di seis capitulo y ta trahando riba dje. Te na e momentonan aki ainda ta desconoci e fecha cu lo estrena. Tanten cu ta warda pa keda cla cu e series nan karol G a saca un exitoso cantica “MAMI” hunto Becky G y cu esaki ta riba lista di mas halto di exitonan cu e la traha , pero ya caba e la anuncia cu e tin un otro exito cla na unda cu e la declara cu e tabata 5 dia den studio ta traha sin drumi pa asina keda cla cu su ultimo exito cu ta bay saca den e dianan nos dilanti. Sin duda karol G ta den su miho momentonan como cantante.
