Tecnologia por yuda lenguahenan den peliger di extincion manera Cherokee permanece bibo

(AP) – Riba su mes, e habilidad di lesa e pantaya di un smartphone den Cherokee no lo ta suficiente pa proteha e idioma indigeno, cual ta den peliger di extincion despues di un historia largo. Sinembargo esaki ta un paso den e direccion di trece e idioma na ciudadanonan di e tribu mas hoben den e lenguahe papia pa nan antecesornan.

Esaki ta e speransa di Hefe Richard Sneed, di Eastern Band of Cherokee Indians, ken ta contando riba un tecnologia mas inclusivo pa e consumidor, y compania di tecnologia grandi pa yuda.

Sneed y otro lidernan Cherokee a pasa varios luna ta consulta cu compania di Lenovo, Motorola, ken siman pasa a introduci e opcion di usa e smartphone den e idioma Cherokee den su linea mas nobo di telefon. Awo, usuarionan di e telefonnan aki lo por haci uso di aplicacion y ahustenan den e smartphone usando e forma skirbi di e lenguahe crea pa Cheroo Nation su Sequoyah den comienso di aña 1800. E lo aparece den e compania su telefonnan Edge Plus y nan lo subi mercado den e proximo temporada.

“E ta un piesa mas di un puzzel grandi unda cu nos ta purbando di preserva e lenguahe aki,” Sneed a declara, ken a traha cu miembronan di su mesun tribu na North Carolina y otro lidernan di Cherokee cu ta papia diferente dialecto na Oklahoma, cu ta papia mas frecuente pero tambe ta den peliger di extincion.

Esaki no ta prome biaha cu tecnologia pa consumi a aprecia e lenguahe, mirando cu Apple, Microsoft y Google ya caba a haci cambionan pa duna e opcion di haci uso di nan laptop y celularnan den e idioma, pa asina nan por skibi den Cherokee tambe. Sinembargo e personanan haciendo e intento di preserva e lenguahe cu a traha riba e proyecto cu Motorola a bisa cu nan a purba di yena esaki cu e cultura, no solamente e simbolonan skirbi, cu nan ta purbando di proteha.

Por ehempel, e boton pa ‘start’ riba smartphone di motorola, awo tin un palabra den Cherokee cual ta nifica “djis cuminsa” ora cu traduci esaki. E ta un manera creativo pa incorpora e manera casual cu e welonan y welanan lo usa e frase den Cherokee, Benjamin Frey, miembro di Eastern Band of Cherokee Indians y profesor na University of North Carolina at Chapel Hill a expresa.

“E por a bisa ‘ban cuminsa’ den varios diferente manera,” Frey a bisa. “Pero e ta bisa ‘halenagwu’, nificando djis cuminsa. Y esaki ta algo hopi casual y usa den Cherokee. Mi por mira un di nos bieu nan ta bisa ‘well, ban djis haci esaki.’ E ta cordami di e manera cu nos grandinan ta papia, cual ta algo hopi bunita.”