Tourism Corporation Bonaire (TCB) ta contento di por anuncia e skemanan di vuelo pa e di dos kwartaal di 2022 di su partnernan di aviacion American Airlines, Delta Air Lines y United Airlines pa e lunanan maart y april 2022.
Durante luna di maart y april American Airlines ta ofrece vuelo un biaha pa dia pa Boneiro for di Miami, Florida. Delta Airlines te cu 10 di april 2022 tin vuelo directo cuater biaha pa siman pa nos isla for di Atlanta, Georgia riba dialuna, diaranson, diabierna y diasabra. Durante e dos lunanan cu ta sobra den e di dos kwartaal tin dos vuelo pa siman riba diamars y diasabra. United Airlines ta mantene su skema di vuelo actual cu un vuelo pa siman pa Boneiro for di Houston, Texas riba diasabra cu un vuelo di regreso riba diadomingo y su vuelo semanal riba diasabra for di Newark, New Jersey.
TCB ta participa cu e vuelonan for di Hulanda cu e partnernan KLM y TUI ta keda sin cambio y cu ta bay amplia e skema di vuelo diario actual for di Amsterdam.
TCB ta spera un di dos kwartaal fuerte pa 2022 y lo continua cu su esfuersonan y su colaboracion cu tur partner di aviacion. E vuelonan extra ya caba ta online y por haci reservacion pa e lunanan binidero.
Resultadonan preliminar di e di dos kwartaal
Durante e dos prome lunanan di aña 2022 TCB a observa un bahada leve di e cantidad di bishitante di e mercado noord americano, esta den luna di januari y februari, como consecuencia di e variante di COVID Omicron, cu tabatin influencia riba e confiansa cu consumidonan tin pa loke ta trata biahamento. For di memey di luna di februari TCB ta mira un demanda creciente for di e mercado norte Americano, caminda e demanda pa reservacion ta aumentando atrobe, loke ta resulta den e posibilidad pa añadi vuelo extra pa Boneiro. E mercado Hulandes ta keda stabiel y ta duna señal di crecemento.
