(NLTimes) – Prome Minister Hulandes Mark Rutte a bisa cu e invasion di Rusia na Ucrania tabata “devastante.”
Durante su conferencia di prensa despues di su reunion semanal cu Ministernan di Gabinete, Rutte a bisa cu e accion militar di Rusia “ta un atake na tur loke nos a construi despues di e di dos Guera Mundial. E ta e violacion mas grandi di ley internacional desde aña 1945.”
Prome Minister a agrega, “henter mundo ta uni den e yamado na Putin y su retiro for di Ucrania.” Rutte a afirma cu e no lo causa division. El a conta con e paisnan di e Union Europeo y nan aliadonan ta uni contra di e tacticanan di e president Ruso Vladimir Putin.
“Si Putin purba di crea division, el a haya unidad. Nos a prepara un pakete di sancion contra di e personanan responsabel. E regimen Ruso y su lidernan. Agrega Putin na e lista ta lo siguiente,” Rutte a agrega cu e ta hopi contento cu lo tene e lider Ruso responsabel pa su actonan. “Compara cu sancionnan despues di e anexacion di Crimea, esaki ta 10 biaha mas fuerte.”
E sancion actualmente ta den man di e miembronan di e estado implementa nan. Tabatin obhecion cu e Union Europeo tocante e prohibicion di Rusia sistema di transaccion na e banco SWIFT. Rutte inicialmente a critica esaki, bisando cu e por ta un herment util pa fortalese e sancion si Rusia no stop y sali for di Ucrania. Mayoria di e Ministernan Hulandes ta apoya e blokeo di Rusia for di SWIFT, incluyendo esunnan di Rutte su propio partido.
