(Yahoo) – Den un fayo historico, Corte Constitucional Colombiano a legalisa e interupcion boluntario di embaraso. Lo ta posibel aborta sin condicion y hasta cu 6 luna di embaraso. Centenares di muhe a celebra e cambio di normativa pafo di e alto tribunal.
Cinco voto di e magistradonan di Corte Constitucional Colombiano ta bay cambia e bida di e muhenan na e pais sur Americano. For di awor, cinco magistrado (contra cuater) a dicidi pa legalisa sin condicion e interupcion boluntario di embaraso te seis luna di gestacion. Loke ta nifica cu no ta bay somete na tres causal cu tabata exigi pa haya e derecho for di 2006: un riesgo pa e salud di e mama, un caso di abuso sexual of un mal formacion di e feto.
Poco paisnan na mundo ta autorisa aborto te 24 siman di gestacion, pa loke Colombia a drenta den e lista di paisnan di Latino America cu reglanan mas liberal den materia di derecho pa aborto como tal manera Reino Uni of Canada.
Dicon e plaso aki di seis siman? Te seis luna, ta considera cu e feto por biba den caso di un parto prematuro. Y den caso di surpasa e seis luna di gestacion, ta mantene e penalisacion di aborto, aunke cu e tres causal menciona anteriormente.
Alto tribunal Colombiano den su fayo tambe ta exigi pa e Estado garantisa acceso na e derecho aki, como tambe un politica educativo di prevencion di embaraso no desea.
