Caso Avestruz ta e caso mas grandi di corupcion di tereno na Aruba. Un total di 11 sospechoso ta wordo acusa den e caso caminda e sospechoso principal ta ex-minister y actual parlamentario Sr. Oslin “Benny” Sevinger.
Durante e proximo dianan Bon Dia Aruba lo detaya un biografia chikito di cada di e sospechoso pa asina pueblo di Aruba por conoce e sospechosonan aki un poco mas y kico ta e acusionnan contra e sospechosonan aki.
Pieter Susebeek
E famia Susebeek ta conoci na Aruba. Nan ta doño di diferente propiedadnan na Aruba y nan ta hopi bon conoci den mundo di Real Estate tambe. Mester remarca cu no ta prome biaha cu Sr. Susebeek ta haya su mes envolvi den algun situacion cu husticia na Aruba.
Caso Avestruz
Sr. Susebeek ta wordo acusa di soborno di ambtenaar pa loke ta trata e caso aki y ta sospecha cu el a haci esaki di Januari 2010 pa December 2017. Dia 5 di mei 2021 Susebeek a keda aresta y wordo hiba oficina di Landsrecherche pa interogacion.
Den e mesun luna tabatin entrada hudicial na Susebeek su residencia na Esmeralda, Noord y tambe na su oficina situa na Coral Plaza.
Carlo Mansur
Mansur ta un empresario y desaroyador conoci na Aruba. Actualmente e ta director di W.I. Capital Resources LLC. Mester remarca cu famia Mansur ta un di e famianan mas conoci na Aruba y ta involucra den un cantidad di ineteresnan di shipping, importacion, construccion y desaroyo na Aruba.
Caso Avestruz
Pa loke ta su involucracion den e caso Avestruz, Mansur ta wordo acusa di estafa, falsificacion durante e periodo di Januari 2014 te December 2017.
Potret di Sr. Susebeek cortesia di 24ora.
