Amor, e cos cu ta pone mundo draai rond… of algo asina nan ta bisa. Pa hopi tempo expertonan ta purba di descifra kico ta e receta pa amor berdadero y aunke ainda no a logra haya e respuesta definitivo na e pregunta di un miyon, un otro contesta facil ta reduci na e planetanan den shelo y compatibilidad di e signonan zodiacal: Astrologia!
Ora cu ta papia di compatibilidad amoroso den astrologia, tin diferente cos cu astrologonan ta busca. E compatibilidad amoroso berdadero entre e signonan zodiacal por wordo encontra utilisando e informacion di ubicacion di planetanan den e carta di nacemento (birth chart) di un persona, particularmente den e planetanan di amor: e luna, Mars y Venus.
E ubicacion di e luna ta crucial pasobra e ta dicta con nos ta sinti ariba un nivel central. Dependiendo den cua signo e ta, e ta afecta e animo di e signo zodiacal di un persona di formanan hopi diferente. Mars ta e planeta cu ta indica con nos lo actua ariba e sentimentonan ey.
Venus na su luga ta esun cu ta sigura con nos lo ataca e sentimentonan ey cu e persona cu ta rondona nos, specificamente nos pareha. E combinacion di e tres planetanan aki hunto por representa con e bida amoroso di un persona ta bay ta.
Cada signo zodiacal tin diferente cualidadnan cu ta factornan importante pa determina si dos signo zodiacal lo funciona bon hunto, pero compatibilidad elemental tambe ta importante. Un signo di awa por tolera un signo di candela? Of e signonan di tera y di aire ta hopi diferente y no por compronde otro? Esaki ta preguntanan cu e practica di astrologia ta uno, yuda compronde miho y dos, ta yuda haya e respuesta y guia un persona na un bida amoroso largo y fructifero.
Esaki ta e signonan, segun Astro Talk Online Astrology, cu ta mas compatible cu otro pa aña 2022.
Taurus y Scorpio: E dos signonan aki ta coincidi absolutamente y ta traha pa otro. Tanto Scorpio manera Tauro tin nan pia bon poni ariba tera, ta gusta biaha, ta hopi motiva y tin hopi humor. Tur e cualidadnan aki ta permiti na bay bon cu otro, y esey ta locual lo pasa den 2022.
Piscis y Cancer: E dos signonan aki ta pertenece na e elemento awa y ta hopi probable cu nan caminda lo crusa otro den 2022. Piscis y Cancer ta hopi compatibel ariba diferente nivel Piscis gusta aventura y Cancer tambe.
Aries y Sagitario: Pa Aries of Sagitario aña 2022 ta yen di sorpresa. Incluso ora cu Aries y Sagitario ta hunto manera amigo, tin emocionnan incomparabel entre nan. E emocionnan aki lo aumenta den 2022 pa tur dos signo.
Geminis y Aquario: E dos signonan aki ta pretende di polonan opuesto ora cu nan ta den hende, pero ora nan ta nan so e amor cu nan ta comparti ta special. E relacion entre Geminis y Aquario ta bastante antiguo. Su relacion ta basa ariba intelecto, diversion, experiencianan y privacidad. Manera dos signo di aire nan ta un di signonan mas compatible pa 2022.
Capricornio y Virgo: E signonan aki ta un pareha hopi bon combina cu ta dedica completamente e un na e otro. Niun di e dos signonan aki ta interesa den aventura y ta busca relacionnan serio a largo plazo. E respet y lealtad cu nan ta aporta na e relacion ta haci nan mas compatibel.
Leo y Sagitario: E signonan aki lo ta e pareha mas compatible den 2022. Nan ta dos signo di e zodiaco cu ta gusta diverti y ta amigabel. Hunto nan lo ta e pareha cu tur hende lo stima of envidia. Y den 2022 e suerte pa nan encontra amor ta den nan fabor.
Dia di San Valentin ta e dia di amor y un di e alineacionnan astrologico mas raro y bunita lo pasa ora cu e dos planetanan di amor, Mars y Venus ta uni den e mesun den shelo. Nan lo uni dia 16 di februari cual tambe ta e mesun dia cu tin un luna yen. E energia poderoso aki hopi biaha ta trece e alma gemelo di un persona den su bida of ta yuda dos persona cu ta hunto acerca otro mas cu otro.
Aunke e fecha special aki ta dos dia despues di dia di San Valentin, no perde e oportunidad pa haci algo special pa bo persona faborito y fortalece e conexion amoroso.
