(NLTimes) – Segun investigadonan di Amsterdam, muhenan hoben ta na un riesgo aumenta di cancer di ovario y di pecho pa causa di mutacionnan genetico por haci uso di pildonan anticonceptivo te cu nan 25 aña di edad.

Despues di e edad aki, e ta bira esencial pa nan ta informa apropiadamente tocante nan situacion specifico, cientificonan na Netherlands Cancer Institute (NKI) a recomenda.

Pildonan anticonceptivo tin ambos efectonan dañino y di beneficio. E riesgo di cancer di pecho ta aumenta cu casi un kwart, mientras cu e riesgo di cancer uterino of den ovario ta reduci casi na mita. Te cu awo, e no tabata cla si e ta algo bon of malo pa muhenan cu mutacion BRCA1 of BRCA2 den nan genes. Segun estudionan conduci anteriormente, e abnormalidadnan aki ta causa 5 pa 10 porciento di tur caso di cancer di pecho. Mas o menos 70 porciento di e muhenan cu e mutacionnan aki lo desaroya cancer di pecho den algun punto di nan bida. E riesgo di cancer di ovario ta di 35 pa 45 porciento cu BRCA1 y 10 pa 20 porciento cu BRCA2.

E estudio ta demostra cu e uso di e pildo aki tin tiki influencia riba e riesgo di cancer riba hobennan y adultonan hoben. E efectonan di beneficio ta hopi mas fuerte den largo plaso, pa motibo cu e pildonan anticonceptivo ta preveni mas cancer den e grupo di riesgo aki cu loke e ta causa. E situacion ta diferente pa muhenan entre 25 pa 30 aña di edadnan riesgo ya caba halto di cancer di pecho ta aumenta mas ainda, mientras cu e efecto di proteccion di cancer di ovario y utero ta cuminsa mas despues.

Pa e motibo aki, muhenan cu e mutacion BRCA mester tuma un decision, segun Antoni van Leeuwenhoek, na ken NKI ta pertenece. “Nan ta kere cu e aumento den riesgo di cancer ta aceptabel, mirando e beneficio di e pildo y e riesgo di cancer halto cu ya caba nan tin, of nan kier preveni mas aumento di riesgo pa medio di cambia na anticonceptivo cu no ta hormonal, manera condom of un spiral cu no ta hormonal?.”

Pa causa di e riesgo halto, hopi hende muhe cu BRCA ta kita nan pecho y ovario como un medida di prevencion. Como resultado di esaki, e riesgonan di e pildo tambe ta cambia significantemente, pa motibo cu por ehempel, ya no tin un riesgo di cancer di pecho despues di kita e pecho.

Despues di kita e ovario, e beneficio di e pildo ta disparce bastante. “Mientras mas efectivo e operacion preventivo ta, menos faborabel e efecto di e pildo lo ta. Esaki ta pa motibo cu e uso di e pildo ta sigui causa mas riesgo den cancer di pecho, pero e cancer di ovario si ta ser preveni,” e investigadornan a skibi. Nan a publica e informacion aki den e revista cientifico di National Cancer Institute.